Мин – җиңүче!

       “Бөгелмә авазы” газетасы үзенең 25 еллыгына багышлап шигырь конкурсы игълан иткәч, без дә үз көчебезне сынап карарага булдык. “Яшь каләм” түгәрәгендә шигырь төзелешен кабатладык, газета турында сөйләштек һәм тәвәкәлләп шигырьләр яздык.

      Иң яхшы дип табылганнарын яраткан газетабызга юлладык.  Һәм ...        минем “Кешеләргә яктылык һәм бәхет өләшүең өчен мең рәхмәт!” исемле шигырем нәкъ газетаның юбилее көнне (4нче декабрь) беренче биттә баш мәкалә урынында (!) басылып чыкты. Ә үземне шундый мәртәбәле кичәгә (Тирә-яктан гына түгел, хәтта Казаннан да күренекле әдипләр бар иде  анда!) үз шигыремне укырга чакырдылар. Каушадым, билгеле. Тик шулай да иҗат җимешемне матур итеп сөйләп бирдем.

      Шигырь белән танышырга теләгән кешеләр аны “Бөгелмә авазы”ның 89нчы саныннан укый алалар.

                                                                                                                                  Миләүшә Биккина,

                                                                                                                                                                          IV курс студенты